राज्यात 20 मे पासून गुटखा बंद
गोळा झाला 8 टन कचरा महाराष्ट्रात 20 मेपासून गुटखा बंद करण्याचा निर्णय राज्यसरकारने पुन्हा घेतला आहे.
केंद्र सरकारने गुटखा बंद करण्याबाबत पाच फेब्रुवारी रोजी काढलेल्या अधिसूचनेनुसार राज्य सरकारने गुटखाबंदीचा निर्णय घेतल्याची माहिती अन्न व औषधी द्रव्ये राज्यमंत्री बाबा सिद्दिकी यांनी दिली आहे.
गुटखाबंदीबाबतची अधिसूचना राज्य सरकार काढणार असून त्यानुसार 20 मेपासून गुटख्याची निर्मिती, साठा आणि वितरणही बेकायदा ठरेल, असे श्री. सिद्दिकी यांनी सांगितले. यापूर्वीही राज्य सरकारने गुटखाबंदी केली होती. पण, मुंबई उच्च न्यायालयाने त्या अधिसूचनेस स्थगिती दिली होती. या वेळी सर्व कायदेशीर बाबी लक्षात घेऊन राज्य सरकार नवीन अधिसूचना काढणार असल्याचे श्री. सिद्दिकी यांनी स्पष्ट केले.
यापूर्वीची बंदीची अधिसूचना काढूनही तिची नीट अंमलबजावणी झाली नाही. निदान आता तरी राज्य सरकारने आपल्या निर्णयाची नीट अंमलबजावणी करायला हवी, असे भाजपचे प्रदेशाध्यक्ष नितीन गडकरी यांनी म्हटले आहे.